شقاوة الغلاوة : الشاعر أحمد الخلايلى _صعيد مصر
شقاوة الغلاوة
عيد الورق تانى عيش اليومين تانى
غامر وعديلها شطوط الحيرة
من اول شروق الويل
من اول نهار وليل
لملم تعاقيد الحياة من صفحة الانسان
اعجب عجيب ف الكون يلخبط الحسبات
يسر ف السر بحجات
يصحى بلون وف لون يبات
كاين عبر
كاين بيقدر يكتسب كل الصفات
عودى يا ريمه
عودى للقصه القديمة
للسر ف الختمه والختمة يا عينى تميمة !
إنْ شدنا الجد نتعب وان شدنا اللعب
تتقوى العزيمه
قالو زمان يا مربي غير ولدك
لكنه دا ولدى بحكم السما والارض
ملكى بطول وعرض
كنتلو ف الشمس ضله
كنتلو ف الضلمه ضي
ولما احتسبنى لعبته كسرنى ما قلت أىّ
مليتو بخطري غلاوة وهو ملانى شقاوة
كَلْ منى كبدى ومطَّق وكانه بياكل حلاوه
وادى يا قلبي كمان شيله ياللا هيله شيل
لو هتحيا الناس ميهمنيش انداس
لكن ف قلبي احساس
شايف الحقيقه
ميكرموش الناس لو يرضو العزيز ينداس
ومنين القدم ينباس يا صحبه مختارة
وعبد الفلوس متقاس كيف اللى يعبد حجاره
ومنين القدم ينباس يا صحبه مختاره
قلتو مع النبراس
يارب ربح التجاره
تعليقات
إرسال تعليق