سوالف ليل : الشاعر هاني زريفة

سوالف ليل
(قصيدة باللهجة المحكيّة).
شعر وإلقاء: هاني زريفة.

بلواي دهرٍ بدَّل الحال بحوالْ
وهموم قلبي ما جبالٍ تشيلَهْ

ربّي عطاني صدير للهم شيّالْ
شيل الجمل وعمود عظمٍ نحيلهْ

لا يطرب المهموم سحجٍ وموّالْ
ولا تؤنس الملتاع طرفٍ كَحيلهْ

من بعد ما عشنا بصفا وراحة البالْ
مال الدَّهر وارخىٰ حبل بلواه ميلَهْ

لاطم بحرنا واعتلت موجَه عيالْ
وأبلتْ نقيَّ الثّوب ريح الرّذيلهْ

صاغ الخليقة ربّك لوان وشكالْ
وكلٍّ علىٰ مهواه دوّر مثيلهْ

منهم وضيعٍ ما سوي باخس المال
ومنهم رفيعٍ ما تندَّه قبيلهْ

ومنهم كريمٍ ما شكا ضيقة الحالْ
ومنهم كثير المال يدَّه بخيلهْ

دوِّر خويٍّ يسند الميل لو مالْ
جذره نَدي وغصان ودَّهْ ظليلهْ

يبكيك نصحه وصايب الشُّور لو قالْ
وادمح خطاه ولا تدوِّر بديلَهْ

واحذر لَعوبٍ ميلة الرّيح ميّالْ
ناب الغدر ما ظل ملحٍ بذيلَهْ

واترك إذا جاد الدّهر شوفة الحالْ
من يوهبك بالحال سهلٍ يزيلَهْ

واصبر علىٰ شح العسيرات تَتْنالْ
لا تبدِ للأنذال نفسٍ ذليلهْ

وامنح عصيبات العقد طولة البالْ
كل الغدو أمثال بالن طويلهْ

لا بد ربّك يجليَ اللّيل لو طالْ
ويبددن - رُحماه - ظلمات ليلَهْ