تعلمت النحت : الشاعر محسن محمد فندي
-تعلَّمت النَّحت-
*****
بتخلقلي شعور وإحساس
لمَّ تمر من دروبي
وعصدرا عقد الالماس
ورسمة إسمي المكتوبة/ي
بكل الدنيي ما بتنقاس..
روحي وقلبي ومحبوبي
* * *
من يوما تعلَّمت النَّحت
واحفرتلك منحوتة/ي
بعدا مخباية/ي بالتخت
وبأحلامي المكبوتة/ي
ياما ركعت وياما سجدت
تاترجعلي محبوبي
* * *
رح تقرا عليها اسمين
من الأسماء المحفورة
سهم اللي واصل قلبين
ومخبا جوا الصورة
وناطر ربي من الألفين
حتى يغفرلي ذنوبي
* * *
وذنوبي أني عشقان
والعالم حكيو عليي
ولاموني كل الجيران
ع اسراري المخفيِّة/ي
مخفيَّة/ي بجب الشيطان
طالعتوها من جيوبي.
بقلمي
محسن محمَّد فندي
؟؟***؟؟
تعليقات
إرسال تعليق