خدود المواسم : الشاعرة ريم علاء محمد
**خدود المواسم**
ريم علاء محمد
گتلي ضمني بلا عتب
ليل و يضم نجمات روحه
و تشتعل شوغات حبنه
ونحترگ..
واني جيت مودع دموعي
وحسرتي
مگدر لروحك
حضنتي
بكل ترافة روحي جيتك
خضرت يم باب صبري
فياي
من لهفة حنيني
وحسبت كل هاي چلماتك صدگ ...
اخ ياليل الغفه بعينك خذاني
واخ يا نبرة حنينك
من تحن
بيه گد الشوگ وأمال اليتامه
سنين عذرية وتخضرلك
عشگ ...
الجاس روحي شلون ما هز شعره منك؟!
شلون ما حرك لهفتك؟!
وانه رعشة گلبي لو ينجاب طاريك
بعد ما يهده شوگه
بدون ما يشهگ شذاك وينشبگ ...
وأخ ياعطر الترس ريتي عذوبة
مبلل خدود المواسم
والخريف بروحي ودعته
و ترس غصني الخضار
هب نسيمك شايل اسرار الورد
شهگة ويه شهگة
يسولف اسرار الصبه لقداح روحي
بهيدة يغريني و يفززني گبل لا ينشهگ.
تعليقات
إرسال تعليق