عذرا ياوطن : الشاعر منهل مالك
هالورق قزاز مكسور
والقلم حفيان
بكل خطوة..
القلم موجوع
وبآخر سطر تعبان
ما شفت نتفة نور
تكمّل الموضوع
لو عندي برعم أمل
بكذب عَ حالي
تا اكتبك حلم..
بسطر العتم
ملعون بيّك يا وطن
حتى الحلم صاير حلم
كل ما نويت اكتبك
واستحضرت وحيّ الشعر
بيفشّ الحبر
ع خط السطر
وبيغصّ القلم
يمكن ألم عم يبكي
وصارت دواه دموع
اعذرني يا وطن
مافيني اكتبك
رح أجّل الموضوع
منهل
تعليقات
إرسال تعليق