PNGHunt-com-2

اضحكي :للشاعرمنهل مالك مهداة لابنته بعيد ميلادها

كل عام وأنت ضحكات ثمري على شجر كدري Maram M Hasan

اضحكي..

إذا الدمّ بيصيح
بتوب العرس
وضحكتك بفوهة بواريد
بتهمس همس
بتأدّن جراس العيد
ع طبول المعركه
أيّ يا بيي اضحكي

أيّ بابيي أضحكي
ورشّي الضحك سكر
ليكي سِتك
بلشت تتذكر..
كيف تضحك
وكيف تنشُلْ
من شال الشمس
.. خيط أصفر
تترقّع جراب الفقر
ملعون بيّو هالعمر
صرلا عمر
بجرن القلب تدّق الحزن
وتطحن حنطة الأيام
صرلّو عمر هالعمر جوعان
أي يابيي اضحكي
يا ضحكتك جبران
بلكي تنّور الليل..
بيخبز خبز أشقر
بلكي الله أكبر بيحنّ
ع لقمة مغمسه بالدم
ولك أي يابيي لاحقا ع الهم
اضحكي..اضحكي
تيعرق البرد ع خدود الجرد..
ويفتّح ورد
تيطلع بأرض الملح.. ياسمين وفل
تيّضلّ عندي سبب.. تَضَلّ

أي يابيي اضحكي
تيمّل منّي الحزن ويشتكي
ويشرب ربيع ضحكتك..
كل البكي

                                                       منهل

تعليقات

المشاركات الشائعة من هذه المدونة

همسة بأذن كل !! العرب :شيخ شعراء مصر..عباس الصهبي